Türkiyədə 1 dəqiqəlik sükut

Lent.az-ın “trt.net.tr” saytının Azərbaycan versiyasına istinadən verdiyi məlumata görə, böyük dövlәt adamının vәfatının ildönümü münasibәtilә Türkiyədə, xarici nümayәndәliklәrdә vә Quzey Kıbrıs Türk Cümhuriyyәtindә rәsmi tәdbirlәr keçirilir.

Atatürkün Ankaradakı mavzoleyindә dövlәt rәsmilәrinin qatıldığı mәrasim keçirilib. Atatürkün hәyata gözlәrini yumduğu saatda - yәni 9:05-dә ölkәdә siqnallar çalınıb, hörmәt әlamәti olaraq 1 dәqiqәlik sükutla yad edilib.

Dövlət rəsmiləri eyni dəqiqələrdə Atatürkün mənəvi hüzurunda sayğı duruşunda durub. Prezident Abdulla Gül Anıtqəbirin xüsusi dəftərinə qeyd yazıb: “Böyük Atatürk, əbədiyyətə qovuşmanızın 72-ci ilində sizi sayğı ilə yad edirik. Türkiyə göstərdiyiniz hədəflər istiqamətində qərarlılıqla irəliləməkdə davam edir. Türk milləti olaraq sizə minnətdarlığımızı ifadə edirik”.

Türkiyədə bütün dövlәt orqanlarında bayraqlar yarıya qәdәr endirilib və 2 dəqiqəlik sayğı duruşu olub. Atatürkün vәfat etdiyi “Dolmabaxça” sarayı da Atatürkü sevәnlәrin ziyarәt yerinә çevrilib. Bu dəqiqələrdə isə Atatürk Mədəniyyət, Dil və Tarix Şurasında da anım mərasimi başlayır. Mərasimdə prezident Abdulla Gül vә baş nazir Rəcəb Tayyib Әrdoğanın da iştirakı planlaşdırılır.