Gürcüstanda Rusiyanın 4 casusu tutulub
05 noyabr 2010 14:39 (UTC +04:00)

Gürcüstanda Rusiyanın 4 casusu tutulub

Gürcüstanda casusluqda günahlandırılaraq saxlanılan 13 nəfərdən 4-ü Rusiya vətəndaşıdır. Lent.az-ın “France-Presse” agentliyinə istinadən verdiyi məlumata görə, saxlanılan şəxslər Gürcüstan Müdafiə Nazirliyi və Daxili İşlər Nazirliyinə alınan silah və texnika, o cümlədən güc strukturlarının rəhbərləri barədə məlumatlar toplayıblar.


Saxlananların bir neçəsinin də adı məlum olub. Bunların arasında Batumidə yaşayan erməni sahibkar Armen Qevorkyan və Batumidəki oteldə qulluqçu işləyən Ruben Şikoyan var.


Bu gün keçirilən mətbuat konfransında Gürcüstan Daxili İşlər Nazirliyinin təmsilçisi Şota Utiaşvili deyib ki, saxlananlar arasında gürcü hərbçiləri də var.


Rusiya Xarici İşlər Nazirliyi isə bəyan edib ki, ehtimal olunan casuslar barədə məlumata malik deyil.
# 559

Oxşar yazılar