Şirlər turisti duş qəbul edərkən parçalayıblar

Lent.az-ın “The Daily Telegrahp” qəzetinə istinadən verdiyi məlumata görə, olay Zimbabvenin şimalında, Mana-Puls milli parkı yaxınlığındakı ovçu düşərgəsində baş verib.

Turist həmin vaxt duş qəbul edirmiş. Turistə eyni vaxtda 5 şir hücum çəkib və onu parçalayıblar. Turistin həyat yoldaşı hadisənin şahidi olub, ancaq ərinin xilas edilməsinə kömək edə bilməyib.

Qeyd edək ki, Zambezi çayının ətrafındakı ərazi ovçular və balıqçılar arasında populyardır. Onlar burada elementar şəraitdə yaşayırlar və vəhşi heyvanların hücumundan yaxşı mühafizə olunmurlar. Şirlərin hücumu birinci hadisə də deyil. Bu ilin iki ayı ərzində şirlər 8 yerli sakini parçalayıb. Şirlərin hücumunu dayandırmaq üçün bütün sürünü məhv etmək lazım gəlib.
Şirlərin düşərgəyə cəlb edən düşərgənin ətrafına ət parçaları atılmasıdır. Eyni zamanda ovçuların şirlərin təbii yeyəcəkləri olan heyvanları öldürmələri və bu yeyəcəklərdən məhrum olmaları da onları aqressivləşdirir.