Yaponiya Rusiyadakı səfirini müvəqqəti geri çağırdı
02 noyabr 2010 10:53 (UTC +04:00)

Yaponiya Rusiyadakı səfirini müvəqqəti geri çağırdı

Noyabrın 1-də Rusiya prezidenti Dmitri Medvedevin Kurill adalarına səfərinə etiraz əlaməti olaraq Yaponiya Moskvadakı səfirini geri çağırıb. Lent.az-ın “Kyodo” agentliyinə istinadən verdiyi məlumata görə, bu barədə Yaponiyanın Xarici İşlər Naziri Seydzi Maexar söyləyib.

Qeyd edək ki, İkinci Dünya Müharibəsinin gedişində işğal olunmuş bu adaları Yaponiya öz torpaqları sayır və adaların geri qaytarılmasını tələb edir. Bu səbəbdən də 1945-ci ildən indiyə qədər Moskva və Tokio arasında sülh müqaviləsi imzalanmayıb. Dmitri Medvedevin səfərindən əvvəl Yaponiya hökuməti bu səfərin ləğv edilməsini istəmiş, ancaq rəsmi Moskva buna rədd cavab vermişdi. Rusiyanın xarici işlər naziri Sergey Lavrov demişdi ki, Kurill adaları Rusiyanın ərazisinə daxildir və prezident Rusiyanın hər hansı bölgəsinə səfərlə bağlı özü qərar verir.
# 470

Oxşar yazılar