Qırğızıstanda keçirilən parlament seçkilərinin rəsmi nəticələri açıqlandı
01 noyabr 2010 20:13 (UTC +04:00)

Qırğızıstanda keçirilən parlament seçkilərinin rəsmi nəticələri açıqlandı

Qırğızıstanda oktyabrın 10-da keçirilən parlament seçkilərinin rəsmi nəticələri açıqlanıb. Lent.az-ın “trt.net.tr” saytının rəsmi saytına istinadən verdiyi məlumata görə, yekun nəticələrə görə, aprel ayında devrilən prezident Kurmanbek Bakiyevi dəstəkləyən Ata Yurd Partiyası seçkinin qalibi olub.

Qırğızıstan Mərkəzi Seçki Komissiyasının sədri Akılbek Sarıyev komissiya üzvlərinin də iştirak etdiyi mətbuat konfransında parlamentdə 5 partiyanın təmsil olunacağını bildirib. Bunlar Ata Yurd, Sosial Demokrat, Ar-Namus, Respublika və Ata Meken partiyalarıdır.

Beləliklə, parlamentdəki 120 mandatın 28-i milliyyətçi Ata Yurd, 26-sı iqtidarı dəstəkləyən Sosial Demokrat, 25-i Rusiya tərəfdarı Ar-Namus, 23-ü Respublika və 18-i iqtidar tərəfdarı olan Ata Meken partiyalarının olub. Başqa sözlə, Kurmanbek Bakiyev tərəfdarları qalib gəlsə də, parlamentdə iqtidarı dəstəkləyənlər çoxluq təşkil edirlər.
# 846

Oxşar yazılar