Portuqaliya millisinin hücumçusu Kriştianu Ronaldu müqaviləsi başa çatana qədər Turininin “Yuventus” klubunda qalmaq niyyətindədir.
Lent.az xarici KİV-ə istinadla bildirir ki, 35 yaşlı Ronaldu İtaliya komandasındakı durumundan razıdır və “Yuventus”un baş məşqçisi Andrea Pirloya komək etmək istəyir.
Xatırladaq ki, Ronaldu “Yuventus”a 2018-ci ilin yayında Madridin “Real” klubundan transfer olunub. Onun bu klubla müqaviləsi 2022-ci ilin yayına qədər nəzərdə tutulub.