9502
17:35
13 May 2020

Azərbaycan vətəndaşları xaricə necə səfər edə bilər? - AÇIQLAMA

“Azərbaycan vətəndaşlarının xaricə səfərləri ilə bağlı hər hansı məhdudiyyət mövcud deyil. Sadəcə, mayın 31-dək beynəlxalq uçuşlar dayandırılıb”.

APA-nın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Xarici İşlər Nazirliyinin mətbuat xidmətinin rəhbəri Leyla Abdullayeva bildirib.

L. Abdullayeva deyib ki, əgər qarşı tərəf, xarici ölkə qəbul etməyə hazırdırsa, vətəndaşların, xüsusən oturum icazəsi olan şəxslərin çarter reysi ilə səfəri həyata keçirilir.

Hikmət Hacıyev isə qeyd edib ki, xüsusi karantin rejimi ilə bağlı səfərlərdə məhdudiyyətlər var: “Ümumi vəziyyətə uyğun olaraq bu sahədə addımların atılması mümkündür. Hazırda vizalarla bağlı məhdudiyyət qüvvədə qalır”.