2237
00:09
18 Dekabr 2019

Qəzada sürücünün boyunu sındı - FOTO

Gəncədə yol-nəqliyyat hadisəsi baş verib.

APA-nın yerli bürosunun məlumatına görə, hadisə şəhərin Bağman yaşayış massivində (“Totanlı” adlanan ərazi) qeydə alınıb.

Hərəkətdə olan minik maşını idarə etmədən çıxaraq yol ayrıcına dəyib. Avtomobil zərbənin gücündən yolun kənarına aşıb. Qəza zamanı sürücü, 1992-ci il təvəllüdlü Əliyev Elvar Vidadi oğlu xəstəxanaya yerləşdirilib. Xəstəyə boyunun sınığı diaqnozu qoyulub. Vəziyyətinin ağır olması səbəbindən Gəncədə yerləşən digər xəstəxanaların birinə aparılıb.

Faktla bağlı araşdırma başlanılıb.