Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti sentyabr ayından Hotellər və Restoranlar Assosiasiyası (DAİR) ilə birgə turizm, qonaqpərvərlik və xidmət sahələr üzrə peşə hazırlığı kurslarına müdavim qəbulunu elan edir.
Nazirlikdən Lent.az-a verilən məlumata görə, elan edilən peşə hazırlığı kursları aşağıdakılardırlar:
Aşpaz (Azərbaycan kulinariyası)
Qənnadçı
Ofisiant (banket və ziyafətlər üçün)
Ofisiant (yüksək kvalifikasiyalı)
Dağ turist marşrutları üzrə bələdçi
Ekskursiya bələdçisi
Qeydiyyatçı (mehmanxanada) / Receptionist
Konsyerj
Mehmanxana qapıcısı (belman)
Otel xadiməsi (təmizlik işləri) / Hotel Cleaner
Barmen
Turizm, qonaqpərvərlik və xidmət sahələrində karyera imkanları əldə etmək, ixtisas almaq və ya öz kvalifikasiyasını təkmilləşdirmək arzusunda olan şəxslər peşə hazırlığı kurslarına qatılmaq üçün müraciət edə bilərlər. Peşə hazırlığı nəzəri və praktiki təlimləri şəklində - turizm və qonaqpərvərlik biznesi müəsissələrində təcrübə keçməklə tədris ediləcək.
Kursların tədrisi Azərbaycan Turizm və Qonaqpərvərlik Tədris Mərkəzinin (ATHEC) peşəkar təlimçiləri cəlb olunmaqla Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin Bakı Dövlət Regional Peşə Təhsili Mərkəzində həyata keçiriləcək.
Dövlət Məşğulluq Xidmətinin yerli orqanlarında işsiz şəxs kimi qeydiyyatda olanlar üçün kurslar ödənişsizdir və onlar təhsil müddətində təqaüdlə təmin olunacaqlar. İşaxtaranlar üçün təhsil ödənişlidir. Namizədlər müsabiqə yolu ilə seçilirlər. Kursları müvəffəqiyyətlə bitirmiş şəxslərə müvafiq sertifikatlar təqdim olunacaq və onların müvafiq işlə təmin olunmasına köməklik göstəriləcək.
Maraqlanan şəxslər yaşadıqları şəhər, rayon üzrə Məşğulluq Mərkəzlərinə müraciət edə, eləcə də [email protected] elektron poçt ünvanına CV yollaya bilərlər. Xahiş edilir ki, seçdiyiniz peşənin adını elektron məktubun Mövzü bölməsində qeyd edəsiniz.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
