Tornado Çexiyanın cənub-şərqini vurub və dörd böyük kəndi dağıdıb.
Lent.az-ın xarici mediaya istinadla verdiyi xəbərə görə, sosial şəbəkələrdə yayılan görüntülərdə nəhəng bir burulğanın yaşayış məntəqəsinə doğru necə hərəkət etdiyi əks olunub. Təbii fəlakət nəticəsində Qruşka, Lujitse, Moravska-Nova-Ves və Mikultitse kəndlərinə daha çox ziyan dəyib.
Xilasedicilər yüzlərlə yanğın və evin dağılması haqda məlumat verib. Meteoroloqlar yeni tornado baş verməsini istisna etmədiyi üçün yerli sakinlərə evdə qalmaları tövsiyə olunur.
Fövqəladə xidmətin məlumatına görə, təbii fəlakət bir neçə adamın ölümünə səbəb olub. Ölənlərin sayı barədə hələ ki dəqiq məlumat yoxdur. Ən azı 300 nəfər ciddi xəsarət alıb, onların arasında dağıntılar altında qalanlar da var.
Slovakiya və Avstriyadan gələn təcili yardım xidmətləri hadisə yerində olan Çexiya xilasedicilərinə kömək edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
