23 iyun 2021 19:22 (UTC +04:00)

Həbs həyatı yaşayan AZƏRBAYCANLI MƏŞHURLAR - VİDEO

Azərbaycanda da məşhurların bir çoxunun yolu həbsxanadan keçib. Onlar narkotik maddədən istifadə, dələduzluq, əxlaqsızlıq yuvası təşkil etmək və digər əməllərinə görə həbs olunublar. 

Lent.az həbs həyatı yaşayan azərbaycanlı məşhurları təqdim edir: 
 
Fədaya Laçın 

Müğənni 2018-ci ilin oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirildiyi üçün həbs edilib. Fədayə Laçın 2019-cu il oktyabrın 29-da azadlığıa çıxıb və yenidən səhnəyə qayıdıb. 

Tunar Rəhmanoğlu 

Tunar Rəhmanoğlu 2013-ci ildə "avtoş"luq etdiyi və polisin qanuni tələbinə məhəl qoymadığı üçün həbs olunub. İdarə etdiyi “Mercedes” markalı avtomobillə yol hərəkəti qaydalarını pozan müğənni sonra sənədlərini yol polisi müfəttişinə təqdim etməkdən imtina edib. Barəsində inzibati tədbir görülməsi üçün şöbəyə aparılıb. Məhkəmənin qərarı ilə ona 10 sutka həbs və 1 il müddətinə sürücülük hüququndan da məhrum olunması cəzası verilmişdi. 

Elşad Xose 

Tanınmış reper Elşad Xose 2010-ci ildə narkotik maddədən müntəzəm istifadə etdiyinə görə həbs olunub və bir müddət məhkumluq həyatı yaşayıb. 

Aqil M.Quliyev 

Tanınmış rejissor Aqil M.Quliyev 2013-cü ildə 1 il 6 ay müdətinə həbs cəzasına məhkum edilib. O, dələduzluqda ittiham olunub. Rejissor Marianna Turabovadan 150 min manat pul alıb, geri qaytarmayıb. 

 İlham Mirzəyev 

Teleaparıcı İlham Mirzəyev dələduzluq ittihamı ilə həbs olunub. O, direktoru olduğu “İlhamed” tibb mərkəzində Aynur Əhmədovaya cadugərlik yolu ilə yalan vədlər verərək,  3000 avro pulunu mənimsəyib. 2014-cü ilin aprel ayında Nərimanov rayon Məhkəməsinin hökmü ilə aparıcı 4 il 6 ay müddətinə azadlıqdan məhrum edilsə də, cəzası 3 il 6 aya endirilib. Buna baxmayaraq, teleaparıcı vaxtından əvvəl – 2016-cı ildə azadlığa buraxılıb.

İntizar Məmmədov 

2014-cü ildə "Şadan" qrupunun rəhbəri müğənni İntizar Rusiyanın Sankt-Peterburq şəhərində həbs olunub. İfaçı Rusiyadan birdəfəlik deportasiya edilib. Buna baxmayaraq, o, sənət dostu Rəşadla birgə Rusiyaya gizli yolla gedərkən saxlanılıb və onun 50 gün ərzində Moskvadan kənara çıxmasına qadağa qoyulub.

Rizvan Əliyev

Azərbaycanlı müğənni Rizvan Əliyev də ötən il Moskvada həbs olunub. Müğənni ev yandırmaqda və soyğunçuluqda ittiham olunub. O, törətdiyi əməli etiraf edərək, oğurladığı seyfi meşədə gizlətdiyini deyib. 

Təranə Səmədova

İnsan alverində təqsirləndirilən tanınmış prodüser Təranə Səmədova 2018-ci ilin oktyabr ayında Nərimanov rayon Məhkəməsində keçirilən prosesdə 1 il müddətinə azadlıqdan məhrum edilib. O, məhkəmə zalında həbs olunub. Prodüsser iki qadını fahişəliyə cəlb etməkdə ittiham olunub. Təranə Səmədova 2019- cu ilin may ayında azadlığa buraxılıb. 

# 5760
avatar

Nigar Adil

Oxşar yazılar