Citroën əfsanəvi 2CV-ni elektrikli avtomobil kimi geri qaytarır

Fransanın Citroën şirkəti avtomobil tarixinin ən məşhur modellərindən biri olan 2CV-ni elektrikli avtomobil kimi yenidən təqdim etməyə hazırlaşır.

Lent.az xəbər verir ki, şirkət 1948-ci ildə ilk dəfə təqdim edilən və sadə quruluşu, münasib qiyməti ilə böyük populyarlıq qazanan modelin müasir versiyasını hazırlayır.

Yeni 2CV-nin konsept versiyasının 2026-cı il Paris avtosalonunda nümayiş etdirilməsi planlaşdırılır. Seriya istehsalının isə 2028-ci ildə başlaması gözlənilir.

Müasir 2CV-nin tam elektrik mühərriki ilə təchiz ediləcəyi və əsasən şəhər istifadəsi üçün nəzərdə tutulacağı bildirilir. Citroën avtomobili digər elektrikli modellərlə müqayisədə daha münasib qiymətə təklif etməyi planlaşdırır.

Şirkətin bu addımı həm klassik 2CV-nin tanınmış dizaynını yeni texnologiyalarla birləşdirmək, həm də elektrikli avtomobilləri daha geniş istehlakçı kütləsi üçün əlçatan etmək məqsədi daşıyır.

1948–1990-cı illərdə istehsal olunan orijinal 2CV-dən 5 milyondan çox avtomobil satılmışdı.