Rezin ördək balası Bakı buxtasında!
15 sentyabr 2013 18:07 (UTC +04:00)

Rezin ördək balası Bakı buxtasında!

Hündürlüyü 15 metr olan sevimli ördəyi artıq bütün dünyada tanıyırlar, Bu ördək dünyanın ən böyük şəhərlərinin buxtalarında üzmüş, səs-küy yaratmış və əsl art-sensasiyaya səbəb olub. "YARAT" Müasir İncəsənət Məkanının təşkilatçılığı ilə bu gündən etibarən “Rezin ördək balası” Bakı buxtasında üzəcək.

 

 

“Rezin ördək balası” Nyu-York, Tokio, Osaka, San-Paulo və dünyanın dünyanın bir çox şəhərlərində marağa səbəb olub. İdeyanın müəllifi olan hollandiyalı Florentin Hofman ördək balası ilə birlikdə dünyanı səyahət edir.

 

İdeya 2007-ci ildə rəssamın doğma şəhəri olan Rotterdamda yaranıb. Florentin adi əşyalarda gözəl tərəfləri görməyi bacaran bir rəssamdır, ilhamlanmaq üçün muzalara və qədim filosoflara deyil, müasirlərinin təcrübəsinə müraciət edir. Rəssam məişət və insan mühiti mövzusuna xüsusi diqqətlə yanaşır. Bu isə rəssamın işlərinin universal dilə sahib olmasına səbəb olan amildir. Onun yaradıcılığı "muzey" formatına məxsus incəsənət ab-havasına qarşı yüngül istehzası ilə fərqlənir. Rəssam sanki öz işləri ilə - gülməli və düşündürən, köpdürülmüş nəhəng oyuncaqlarla insanlara gülümsəməyin vacib olduğunu deyir.

 

Rəssam nəhəng ördək balasını hazırlamaqla cəmiyyətə bir mesaj vermək niyyətində olub. Ördək balası yaşından və aldığı tərbiyədən asılı olmayaraq, hər kəsi barışığa çağırır, bir-birinə yad insanları qısa müddətə də olsa ayaq saxlamağa və ünsiyyət qurmağa məcbur edir.

 

Bu gündən etibarən Bakı buxtasında üzməyə başlayan nəhəng rezin ördək balası elə ilk gündən Dənizkənarı Milli Parka gələn qonaqların böyük marağına səbəb olub.

 

Rəssamın ən tanınmış işi olan "Rezin Ördək Balası" Yaponiyada, ABŞ-da və Avropada eyni dərəcədə məşhurdur. Florentin Hofmanın 2010-cu ildə San-Paulo Mərkəzi Parkında quraşdırdığı 15 metrlik instalyasiya və 2011-ci ildə İsveçdə nümayiş etdidiyi məşhur "Nəhəng Sarı Dovşan" əsəri də dünyada eyni dərəcədə sevilir.

 

APA TV

# 2654
avatar

Oxşar yazılar

TikTok: xəbər səhrası,  yoxsa təbliğat vasitəsi?

TikTok: xəbər səhrası, yoxsa təbliğat vasitəsi?

20 may 2024 , 19:33
Yağışlı hava  bu tarixədək   davam edəcək

Yağışlı hava bu tarixədək davam edəcək

20 may 2024 , 17:07
Hərbi xidmətə çağırışla bağlı SƏRƏNCAM

Hərbi xidmətə çağırışla bağlı SƏRƏNCAM

20 may 2024 , 17:01
May ayının 18 günündə  yağış yağıb - RƏSMİ

May ayının 18 günündə yağış yağıb - RƏSMİ

20 may 2024 , 16:56
Qaz xətlərinə hava   niyə vurulur? -  AÇIQLAMA   -  VİDEO

Qaz xətlərinə hava niyə vurulur? - AÇIQLAMA - VİDEO

20 may 2024 , 16:48
Lisey və gimnaziyalara qeydiyyat başladı

Lisey və gimnaziyalara qeydiyyat başladı

20 may 2024 , 15:45
Zığ şosesinə DAŞ DÜŞDÜ  - DİQQƏTLİ OLUN!

Zığ şosesinə DAŞ DÜŞDÜ - DİQQƏTLİ OLUN!

20 may 2024 , 15:37
Azərbaycanda abortların sayı  artıb

Azərbaycanda abortların sayı artıb

20 may 2024 , 15:14