Orucluqda Lənkəranda “103”-ə müraciətlərin sayı artıb

Ramazanda Lənkəranda “103” xidmətinə müraciətlərin sayında artım müşahidə olunub. Bu barədə məlumatı APA-nın cənub bürosuna Lənkəran Rayon Təcili və Təxirəsalinmaz Tibbi Yardim Stansiyasının baş həkimi Məmmədbağır Axundov verib. Onun sözlərinə görə, bəzi şəxslərin iftardan sonra qidalarına fikir verməmələri onların səhhətində müəyyən problemlərə səbəb olur. Nəticədə isə stansiyaya çağırışların sayı ötən aylarla müqayisədə iki dəfə artıb: “Sutkada 40-dək çağırış daxil olur ki, onların da sayı son 3 həftədə 610-a qalxıb. Çağırışların əksər hissəsi günün ikinci yarısına təsaduf edir. Onların çox az faizini zəhərlənmələr, əksəriyyətini isə urək və qan-damar xəstəliklərindən əziyyət çəkən şəxslər təskil edir. Birdəfəlik çoxlu su içmək, ağır yeməklər qəbul etmək hipertaniyalı şəxslərin səhhətinə mənfi təsir göstərir.”

Bas həkim oruc tutan şəxslərin Ramazan ayı bitdikdən sonra da nüəyyən müddət qidalanma rejimini diqqətdə saxlamağı vacib hesab edib. Onun qənaətincə, Ramazan ayında mədə nisbətən az qidalanmaya görə onu sonra birdən-birə yükləmək olmaz.