MSK sədri: “Partiyalara seçkilərdə iştirak etmək üçün şərait yaradılıb"
29 iyul 2013 10:59 (UTC +04:00)

MSK sədri: “Partiyalara seçkilərdə iştirak etmək üçün şərait yaradılıb"


Bu gün Mərkəzi Seçki Komissiyası (MSK) tərəfindən dairə seçki komissiyalarının (DSK) sədrləri üçün Bakıda ənənəvi bir həftəlik seçki hüququ üzrə ixtisaslaşmış kurslar başlayıb.

Lent.az-ın verdiyi məlumata görə, tədbirə Prezident Administrasiyası rəhbərinin müavini, Regional İdarəetmə və özünü idarəetmə orqanları ilə iş şöbəsinin müdiri Zeynal Nağdəliyev, Konstitusiya Məhkəməsinin sədri Fərhad Abdullayev, Milli Məclis sədrinin birinci müavini Ziyafət Əsgərov, ATƏT-in Bakı ofisinin rəhbəri Koray Tarqay qatılıb.


MSK sədri Məzahir Pənahov deyib ki, Azərbaycanın taleyi xalqımızın qarşıdakı seçkilərdə edəcəyi seçimdən asılı olacaq. Onun sözlərinə görə, istənilən ölkədə vətəndaşların seçki hüquqlarının bərpa olmasının qarantı prezidentdir: “Bu baxımdan Azərbaycanda demokratik seçkilər üçün zəruri şərait var. Partiyalara seçkilərdə iştirak etmək üçün şərait yaradılıb. Mətbuat, xüsusən internet üzərində heç bir nəzarət yoxdur”.

Məzahir Pənahov bildirib ki, seçkilərin yüksək səviyyədə keçirilməsi üçün DSK və məntəqə seçki komissiyaları yüksək peşəkarlığa malik olmalıdır: “Bu tədbirdə məqsəd aşağı seçki komissiyalarının əməkdaşlarının maarifləndirilməsidir. Bizim birbaşa vəzifəmiz seçkidə iştirak edən sübyektlərin Seçki Məcəlləsinə uyğun addımlar atmasına nail olmaq, seçkilərin nəticələrini operativ, vaxtında çatdırmaqdır”.

# 321
avatar

Oxşar yazılar