“Koronavirusa yoluxmuş xəstə sağaldıqdan sonra da yeni növ virus onun bədənində yenidən aktivləşə bilər. Bu, stres, yaxud güclü soyuqdəymə nəticəsində özü-özünü bərpa edə bilər”.
Lent.az Rusiya KİV-ə istinadən xəbər verir ki, bunu Rusiya Federal Biomedikal Agentliyinin (FBA) rəhbəri Veronika Skvortsova bildirib.
O qeyd edib ki, burun boşluğunda virusun müəyyən edilməməsi onun tamamilə orqanizmdən yoxa çıxması demək deyil:
“Güclü soyuqdəymə və ya stress səbəbindən koronavirus bir müddət sonra yenidən inkişaf edir və bu, test nəticəsində özünü müsbət olaraq büruzə verir”.
Rusiyalı mütəxəssis əlavə edib ki, ona görə də yoluxmuş insanlarda virusa qarşı immunitet reaksiyasını qiymətləndirmək üçün ciddi tədqiqatın aparılması olduqca vacibdir.
Qeyd edək ki, daha əvvəl Buryatiyada koronavirusa yoluxmuş bir xəstədə sağaldıqdan sonra belə bir halın meydana çıxdığı bildirilmişdi. Lakin Səhiyyə Nazirliyinin regional idarəsi bu məlumatı təkzib etmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
