“İnteqrasiya günü”

Danimarkada fəaliyyət göstərən “Vətən” Cəmiyyəti ölkənin Hillerod şəhərində “İnteqrasiya günü” adlı tədbirdə iştirak edib. Diasporla İş üzrə Dövlət Komitəsinin mətbuat xidmətindən Lent.az-a verilən məlumata görə, tədbir Danimarkada fəaliyyət göstərən müxtəlif xalqların cəmiyyətlərinin öz dövlətlərinin tarixini, mədəniyyətini və incəsənətini təmsil və təqdim etmək məqsədi daşıyıb.

Azərbaycan üçün ayrılmış hissədə ölkəmizi tarixinə, mədəniyyətinə, incəsənətinə, eləcə də Azərbaycan torpaqlarının erməni işğalına məruz qalması, Qarabağa dair kitab və broşürlər nümayiş etdirilib, tamaşaçı və qonaqlara milli kulinariyamıza aid şirniyyatlar təqdim olunub. Azərbaycanın milli geyimləri qonaqlarda xüsusi maraq doğurub. İştirakçılar Azərbaycanın qədim tarixə və zəngin mədəniyyət malik ölkə olaraq özləri üçün bir daha kəşf etdiklərini bildirib, Azərbaycan səfər etmək niyyətində olduqlarını açıqlayıblar.

“İnteqrasiya günü”nün əsas təşkilatçısı Frederiksberg Komunun Viceborgmesgteri Margit Orsted və Vicekontorchef Annette Jensen tədbirdə fəal iştirak etdiklərinə görə “Vətən” Cəmiyyətinin sədri Səfər Sadiqiyə təşəkkür ediblər.