Baş Prokurorluqda konfrans keçirildi

Lent.az-ın Baş Prokurorluğun saytına istinadən verdiyi məlumata görə, tədbirdə Milli Məclis, Ədliyyə Nazirliyi, Ali Məhkəmə və qeyri-hökumət təşkilatlarının nümayəndələri, Baş Prokurorluğun idarə və şöbə rəisləri iştirak edib. Konfransda çıxış edən baş prokurorun müavini Namiq Əsgərov mövzunun aktuallığını və əhəmiyyətini xüsusi vurğulayıb.

Tədbirdə Baş Prokurorluğun Prokurorluqda istintaqa nəzarət idarəsinin rəisi Nazim Abbasovun "Təqsirləndirilən şəxsin hüquq və azadlıqlarının təmin edilməsinin prosessual təminatları", Dövlət ittihamının müdafiəsi üzrə idarəsinin rəis müavini Qəzənfər Bayramlının "Yetkinlik yaşına çatmayan şəxslərin hüquq və azadlıqlarının təmin edilməsinin xüsusiyyətləri" və Hüquqi təminat və informasiya idarəsinin böyük prokuroru Mahir Tağıyevin "Cinayət prosesində insan hüquq və azadlıqlarının təmin edilməsi: Avropa Şurasının standartları və Azərbaycan Respublikasının milli qanunvericiliyi" mövzusunda çıxışları dinlənilib. Çıxışlarla bağlı suallar ətraflı cavablandırılıb və mövzular ətrafında faydalı fikir mübadiləsi aparılıb.