“Dünyanı verək uşaqlara”

Lent.az-ın məlumatına görə, tədbirdə Mədəniyyət və Turizm Nazirliyi, Nəsimi rayon İcra Hakimiyyəti, A.Şaiq adına Kukla Teatrı, Gənc Tamaşaçılar Teatrı, Uşaq Filarmoniyası, Bülbül adına musiqi məktəbi, T.İsmayılov adına Uşaq və Gənclər Yaradıcılıq Sarayı iştirak edəcək.

Həmin gün M. Seyidzadə adına kitabxana-mağaza, “Əli və Nino” kitab evi, Kitab klubu, Bakıda fəaliyyət göstərən “Altun”, “Təhsil”, “Turan”, “Çaşoğlu”, “Beşik”, “Çinar-çap” nəşriyyatlarının kitablarının sərgi-satışı da təşkil olunacaq. Uşaqlar həm sərgilənən kitablarla tanış olacaq, həm də bəyəndikləri kitabları əldə edə biləcəklər.

“Dünyanı verək uşaqlara” adlı uşaq kitabı bayramında Oqtay Zülfüqarovun “Aysel” qrupu, uşaqların çox sevdiyi “Can bala” qrupu, Dövlət Uşaq Filarmoniyasının rəqs qrupu da çıxış edəcək. Tədbir zamanı kiçik yaşlılarla “Nağıllarımızı bilirsinizmi?” adlı viktorina keçiriləcək, qaliblər mükafatlanacaq.

Xəyalə