Gənclərin Dialoq Məclisi yaradıldı - FOTO

Bu gün Bakı Dövlət Universitetində Məclisin ilk görüşü keçirilib. “Qloballaşma və mədəni kimlik: növbəti gediş” adı altında keçirilən görüşdə “Bizim nəsil” Gənclərin İnkişaf Assosiasiyasının sədri Nurəddin Mehdiyev və Yeni Yazarlar və Sənətçilər Qurumunun sədri Aydın Xan Əbilov ekspert qismində iştirak ediblər.

Ekspertlərin iştirakı ilə gənclər qloballaşma və milli mənəvi dəyərlər istiqamətində müzakirələr aparıb, öz fikirlərini bölüşüblər.

Məclisin koordinatoru İnqilab Fərzəliyevin verdiyi məlumata əsasən, hər ay keçiriləcək Məclisin mövzuları gənclərin istəklərinə uyğun olaraq müəyyən olunacaq. Arzu edən hər bir gəncin Məclisdə iştirakına da xüsusi yer veriləcək.

Qeyd edək ki, Məclisin əsas fəaliyyət istiqamətləri ictimai əhəmiyyətli mövzuların birgə müzakirəsindən, gənclərə cəmiyyətimizin inkişafı üçün doğru yolların göstərilməsindən, maraqlı ictimai-siyasi xadimlər tərəfindən tövsiyələrin verilməsindən, müxtəlif görüşlərin təşkil edilməsindən və maraqlı təkliflərlə çıxış etməkdən ibarətdir.