Dövlət Sərhəd Xidmətinin əməkdaşları üçün yeni yaşayış kompleksi
19 may 2011 18:13 (UTC +04:00)

Dövlət Sərhəd Xidmətinin əməkdaşları üçün yeni yaşayış kompleksi

Lent.az-ın məlumatına görə, açılış mərasimində prezidenti İlham Əliyev də iştirak edib.

Dövlət başçısı sərhədçi ailələri üçün inşa edilmiş yeni yaşayış kompleksində yaradılan şəraitlə tanış olub. Kompleks 1,6 hektar sahəni əhatə edir. Burada on iki mərtəbəli 264 mənzilli yaşayış binası inşa olunub. Yaşayış binası iki və üç otaqlı mənzillərdən ibarətdir. Kompleksdə sərhədçilər üçün bütün şərait yaradılıb. Burada uşaq bağçası, qadın və kişi fitnes salonları, market və kafe, voleybol və basketbol meydançaları, avtomobil dayanacağı və istirahət parkı var.

Prezident yaşayış kompleksində yaradılan ayrı-ayrı xidmət sahələri ilə tanış olub. Yaşayış kompleksi havalandırma, yanğınsöndürmə, müasir işıqlandırma və suvarma sistemləri ilə təchiz edilib. Kompleksin ərazisində abadlaşdırma və yaşıllaşdırma işləri aparılıb, çəmənliklər salınıb, dekorativ ağac və kollar əkilib.

Yaşayış kompleksi ilə tanışlıqdan sonra prezident İlham Əliyev bir qrup sakinə mənzillərin orderlərini təqdim edib.
# 2645

Oxşar yazılar