Mingəçevirdə fəal vətəndaşlıq layihəsi təqdim olunub - FOTO

Təşkilatdan Lent.az-a verilən məlumata görə, mayın 17-də Mingəçevir şəhərində layihənin təqdimat mərasimi və fəal gənclərlə ilk görüş keçirilib.

Qeyd edək ki, region gənclərinin fəal vətəndaş kimi formalaşmasına, sosial təşəbbüslərə qoşulmalarına, məşğulluq imkanlarının artırılmasına və genişləndirilməsinə dəstək vermək məqsədini nəzərdə tutan layihə pilot olaraq Mingəçevir şəhəri və Füzuli rayonunda icra olunur.

Layihə çərçivəsində gənclər qrupları ilə yerli görüşlərin, təqdimat mərasimlərinin, təlim proqramının və “Açıq qapı” məsləhət saatlarının keçirilməsi, eləcə də fəal vətəndaşlardan ibarət şəbəkə quruculuğu nəzərdə tutulub.

Mərkəzin proqram rəhbəri Rasim Ağayevin verdiyi məlumata əsasən layihə çərçivəsində region gənclərinin fəal vətəndaşlıq haqqında bilik və bacarıqlarının artırılması, özünü ifadə etmək bacarıqlarının formalaşması, işə qəbul zamanı zəruri sənədlərin tərtibatını öyrənməsi, liderlik qabiliyyətlərinin artması, ünsiyyət qurmaq və danışıq aparmaq qabiliyyətlərinin inkişafı, intervyularda iştirak texnologiyalarına yiyələnmələri və s. nəzərdə tutulur.

Qeyd edək ki, bu ideya British Council tərəfindən bir çox ölkələrdə də həyata keçirilən “Fəal vətəndaşlar” proqramı çərçivəsində reallaşdırılır.