Nar Mobile “Heydər Əliyev” zirvəsində - FOTO

Lent.az xəbər verir ki, yürüşə 7 nəfər qatılıb. “Heydər Əliyev” zirvəsinə çıxanlar arasında Nar Mobile-ın, Nurgün Group şirkətinin əməkdaşları, jurnalistlər və təcrübəli bələdçi olub. Təşkil edilmiş yürüşün məqsədi Heydər Əliyevin xatirəsini yad etmək idi.

“Heydər Əliyevin 88 illiyi ilə əlaqədar təşkil olunmuş yürüşə dəstək olmağımıza çox şadıq. Azərbaycanda İKT sektorunun sürətli inkişafının təməli məhz Heydər Əliyev tərəfindən qoyulub və bu sahədə mobil rabitə aparıcı rola malikdir. Bizim üçün çox xoşdur ki, yürüş iştirakçıları səfər müddətində məhz Nar Mobile şəbəkəsindən istifadə edərək öz yaxınları ilə dəfələrlə rabitə əlaqəsi yaradaraq, şəbəkəmizin yüksək keyfiyyətli olmasının şahidi olublar” - deyə Azerfon şirkətinin Baş İcraçı direktoru cənab Yurgen Pitz bildirib.

Qeyd edək ki, Böyük Qafqazın yüksək dağ silsilələrindən olan “Heydər Əliyev” zirvəsinin hündürlüyü 3751 metrdir. Sözügedən zirvə ilk dəfə 1998-ci ildə Heydər Əliyevin 75 illiyi münasibətilə fəth olunub.