Dünya stomotoloqları Bakıda toplaşdı

Lent.az-ın məlumatına görə, Azərbaycan İmplantoloqlar İctimai Birliyinin (AİİB) təşəbbüsü və təşkilatçılığı ilə Dövlət Opera və Balet teatrında gerçəkləşən mərasimdə media nümayəndələri yanaşı, yerli və xarici qonaqlar da iştirak edib.

Tədbirə qatılan Azərbaycan Respublikası Səhiyyə Nazirliyi, Respublikanın baş stomatoloqu Kamran Aslanov, T.E.D. Dr. Cəfərağa Səmədov, Beynəlxalq Cərrahlar Cəmiyyətinin üzu prof. Çingiz Rəhimov, Azərbaycan Stomatoloqlar Assosiyasiyasının prezidenti prof. Dr. Rəna Əliyeva, prof. Dr. Tamara Hüseynova, Azərbaycan İmplantoloq İctimai Birliyinin sədri Dr. Cabbar Həsənov, Ankara Universitetindən prof. Nejat Arpak, İstanbul Universitetinin prof., TOİD (Türkiyə Oral İmplantoloji Dərnəyi) başqanı Dr. Sərdar Yalçın, Dr. Seçkin Dindar və Avropa Ortodontlar Cəmiyyətinin sədri prof. Dr. Moschos A. Papadopoulos kimi tanınmış qonaqlar konfransın önəmindən danışıblar.

Qeyd edək ki, İmplantoloqların Beynəlxalq Xəzər Konfransı ilk dəfə 2005-ci ildə keçirilib. İlk konfransdan bu günə qədər ABŞ, Rusiya, Türkiyə, Belçika, Litva, İtaliya, Almaniya, Avstriya, Qazaxıstan, Ukrayna, Yunanıstan kimi ölkələrin aparıcı mütəxəssisləri öz təcrübələrini yerli məsləkdaşlarla bölüşərək konfrans önü kursları- master klassları ilə keçiriblər. Bu il isə 5-6 mayda Dr.Françesko Vurronun (İtaliya) ortodontik, Dr.Rok Şmuelin implant üzərinə protezləmə, Dr .Cüneyd Karabuda və Dr.Selim Ersanlının sinus liftinq, Dr.Mehmet Kürkçü və Prof.Dr.Cem Kurtoğlunun protez planlaması və Dr. Korkut Demirel periodontoloji kursları baş tutub.

Hər il olduğu kimi bu il də konfransın keçirilməsinə Beynəlxalq Oral İmplantoloji Konqresi (İCOİ), Azərbaycan Respublikası Səhiyyə Nazirliyi, Azərbaycan Dövlət Tibb Universiteti, Azərbaycan Peşəkar Ortodontlar Cəmiyyəti (APOC), İtalyan İmplantoloji Akademiyası (AİSİ), Azərbaycan Stomatoloqlar Assosiasiyası (ASA), Türk Oral İmplantolji Dərnəyi (TOİD), Gürcüstan İmplantoloji Assosiyasiyası kimi təşkilatlar öz dəstəyini əsirgəməyiblər.

Eyni zamanda, konfrans çərçivəsində Beynəlxalq Ticarət Mərkəzində (İTC) Stomatoloji Sərgi keçirilib.