“Kağız dəsmal” standartı dəyişdirildi
15 aprel 2011 14:38 (UTC +04:00)

“Kağız dəsmal” standartı dəyişdirildi

Lent.az-ın məlumatına görə, AZS 059-2001 "etilsiz avtomobil benzinləri, texniki şərtlər" və AZS 072-2001 "ilkin emal benzini, texniki şərtlər" standartları dövrü yoxlamadan keçirilib və Standartlaşdırma, Metrologiya və Patent üzrə Dövlət Komitəsi Texniki tənzimləmə və standartlaşdırma şöbəsinin hazırladığı AZS 076-2003 "Kağız dəsmal" dövlət standartına dəyişiklik olunub. Dəyişikliyə əsasən, standartın adında "Kağız dəsmal" ifadəsi "Kağız əl dəsmalı" ifadəsi ilə əvəzlənib.


Son illər ərzində istehsalçı və istehlakçılar tərəfindən AZS 059-2001 "Etilsiz avtomobil benzinləri, Texniki şərtlər" və AZS 072-2001 "İlkin emal benzini. Texniki şərtlər" dövlət standartları ilə bağlı irad və təkliflərin olmadığını nəzərə alaraq Standartlaşdırma, Metrologiya və Patent üzrə Dövlət Komitəsi adıçəkilən standartları 5 ildən sonra təkrar dövrü yoxlamadan keçirib və növbəti dövrü yoxlamanı 2016-cı ilə təyin edib.
# 518

Oxşar yazılar