Tikinti materialları ilə bağlı yeni standartlar

Standartlaşdırma, Metrologiya və Patent üzrə Dövlət Komitəsi Dövlət Şəhərsalma və Arxitektura Komitəsinin təqdim etdiyi Dövlətlərarası standartların Azərbaycan Respublikasında tətbiqini təsdiqləyib.
Dövlət Komitəsinin mətbuat xidmətindən Lent.az-a verilən məlumata görə, standartların tətbiq vaxtı aprelin 20-dən müəyyən edilib.

Bunlar “QOST 11118-2009” (“Dövlətlərarası standart “Binaların xarici divarları üçün avtoklav çoxməsaməli betonlardan panellər. Texniki şərtlər”), “QOST 31416-2009” (Dövlətlərarası standart “Xrizotilsement boru və muftalar. Texniki şərtlər”), “QOST 10832-2009” (Dövlətlərarası standart “Köpürdülmüş perlit qırmadaş və qum. Texniki şərtlər”), “QOST 24211-2008” (Dövlətlərarası standart “İnşaat məhlulları və betonlar üçün əlavələr. Ümumi texniki şərtlər”), “QOST 25607-2009” (Dövlətlərarası standart “Avtomobil yolları və aerodromların örtükləri və bünövrələri üçün qırmadaş-çınqıl-qum qarışıqları. Texniki şərtlər”), “QOST 30459-2008” (Dövlətlərarası standart “İnşaat məhlulları və betonlar üçün əlavələr. Səmərəliliyinin müəyyən edilməsi və qiymətləndirilməsi”), “QOST 31167-2009” (Dövlətlərarası standart “Bina və qurğular. Təbii şəraitdə mühafizə konstruksiyaların havakeçirmə qabiliyyətinin təyin edilməsi üsulları”), “QOST 31251-2008” (Dövlətlərarası standart “Bayır tərəfdən xarici divarlar. Yanğın təhlükəsi üzrə sınaq metodları”), “QOST 9128-2009” (Dövlətlərarası standart “Yol, aerodrom asfaltbeton qarışıqları və asfaltbeton. Texniki şərtlər”) standartlarıdır.