Bakıda 2 uşaq bağçası yenidən istifadəyə verilib - FOTO
16 mart 2011 17:37 (UTC +04:00)

Bakıda 2 uşaq bağçası yenidən istifadəyə verilib - FOTO

Hər iki tərbiyə müəssisəsinin açılış mərasimində təhsil naziri Misir Mərdanov, Bakı Şəhəri üzrə Təhsil İdarəsinin (BŞTİ) müdiri Nailə Rzaquliyeva da iştirak edib. BŞTİ-nin ictimaiyyətlə əlaqələr sektorunun müdiri Zəminə Əliqızı Lent.az-a bildirib ki, Nəsimi rayonundakı 76 və Xətai rayonundakı 288 saylı uşaq bağçası prezident İlham Əliyev tərəfindən məktəbəqədər təhsil müəssisələrinin əsaslı təmir və yenidənqurması işlərinə ayrılan vəsait hesabına təmir edilib. İlk olaraq 76 saylı uşaq bağçasının əsaslı təmirdən sonrakı açılış mərasimi keçirilib. Bağçanın müdiri Xanım Eldarova qonaqlara bağça və onun təmiri, öncəki çatışmazlıqlar, hazırkı vəziyyət və qruplarla bağlı ətraflı məlumat verərək deyib ki, müəssisədə ümumilikdə 220 yerlik 10 qrup var. Həmin qruplardan 1-i körpə, 1-i qarışıq, 3-ü orta, 3-ü böyük, 2-si isə məktəbəhazırlıq qrupudur.


Xətai rayonundakı 288 saylı körpələr evi isə 220 yerlikdir. Bu müəssisədə 12 qrup fəaliyyət göstərir. Həmin qruplardan isə 2-si körpələr, 3-ü orta, 3-ü böyük, 4-ü isə məktəbəhazırlıq qrupudur. Açılış mərasimində qonaqlar bağçadakı qrupların, mətbəxin və digər otaqların təmirdən sonrakı vəziyyəti ilə tanış olublar.

Elxan SALAHOV
# 2815

Oxşar yazılar