Nazirlik 6 rayonda yaşayış binaları istifadəyə verəcək
15 mart 2011 16:36 (UTC +04:00)

Nazirlik 6 rayonda yaşayış binaları istifadəyə verəcək

Şabranda Qarabağ əlilləri və şəhid ailələri üçün inşa olunan 4 mərtəbəli, 16 mənzilli yaşayış binası istifadəyə verilib. Açılış mərasimində əmək və əhalinin sosial müdafiəsi naziri Fizuli Ələkbərov və Şabran rayon icra hakimiyyətinin başçısı Novruz Novruzov iştirak edib.

Bundan başqa rayon mərkəzində bir, Uzunboyad kəndində də bir fərdi yaşayış mənzili istifadəyə verilib. Lent.az-ın bölgə müxbirinin verdiyi məlumata görə, nazir jurnalistlərə açıqlamasında dövlət tərəfindən bu sahəyə diqqət və qayğının artırılacağını bildirib.

Onun sözlərinə görə, Novruz bayramına kimi Biləsuvar və Ağstafa, bayramdan sonra isə Xaçmaz, Mingəçevir, Salyan, Astara rayonlarında və Şüvəlan yaşayış məntəqəsində bu tipli yaşayış binalarının istifadəyə verilməsi planlaşdırılır.

Qeyd edək ki, ƏƏSMN tərəfindən ötən il Qarabağ əlilləri və şəhid ailələrinə 360 mənzil verilib.

Vəli Turan
1 2 3 4 5 İDMAN XƏBƏRLƏRİ
# 604

Oxşar yazılar