Sərdar Cəlaloğlu 40 minə təzə “cip” alıb

Azərbaycan Demokrat Partiyasının (ADP) sədri Sərdar Cəlaloğlu təzə “cip” alıb. Bu barədə Lent.az-a partiya funksionerlərindən biri məlumat verib.

Belə ki, ADP sədrinin şəhərin mərkəzində - Bülbül prospektində yerləşən mənzilinə həmin ərazidə çoxmərtəbəli bina tikmək istəyən şirkət müştəri çıxıb. İkimərtəbəli evin digər sakinləri kimi cənab Cəlaloğlu da mənzilini sərfəli qiymətlə şirkətə satıb.

Daha sonra isə o, bir qədər kənarda, lakin yenə də şəhərin mərkəzində – konkret olaraq, Üzeyir Hacıbəyli küçəsindəki dördmərtəbəli binada daha ucuz qiymətlə yeni mənzil alıb. Bülbül prospektində satdığı evdən qalan pulun bir hissəsini isə “Toyota-Prado” markalı avtomobilin ilkin qiymətini ödəmək üçün xərcləyib. Yəni S.Cəlaloğlu avtomobili kreditlə alıb.

Qara rəngli “cip” ADP sədrinə 40 min dollara başa gəlib.

Qeyd edək ki, Cəlaloğlu indiyədək “Mercedes” markalı avtomobil sürürdü. ADP sədrinin şəxsi sürücüsü yoxdur, sükan arxasına həmişə özü keçir.

Araz