Qafqaz Müsəlmanları İdarəsi xəbərdarlıq edir
07 oktyabr 2009 18:15 (UTC +04:00)

Qafqaz Müsəlmanları İdarəsi xəbərdarlıq edir

Bu il Həcc ziyarətinə yalnız QMİ-də qeydiyyata alınmış zəvvarlar gedə biləcək

Qafqaz Müsəlmanları İdarəsi (QMİ) Həcc ziyarətə getmək istəyən zəvvarlara özəl şirkətlərin xidmətlərindən istifadə etməməyə çağırır. Çünki belə qurumların xətti ilə alınan vizalar qəbul olunmayacaq.

Lent.az-ın məlumatına görə, QMİ-nin sədr müavini Hacı Sabir Həsənli keçirilən mətbuat konfransında belə deyib. Onun sözlərinə görə, bu il Həcc ziyarətinə yalnız QMİ-də qeydiyyata alınmış zəvvarlar gedə biləcək.

“Biz özəl şirkətlərə müraciət etmiş zəvvarlara xəbərdarlıq edirik ki, sənədlərini oradan çıxarıb Qafqaz Müsəlmanları İdarəsində qeydiyyatdan keçsinlər. Bunun üçün hələ vaxt var. Əks halda özəl qurumların verdiyi vizalar tanımayacaq. Belə qurumlar insanları nə qədər inandırmağa çalışsalar da, onların xətti ilə Həcc ziyarəti baş tutmayacaq” - deyə, Hacı Sabir Həsənli qeyd edib.

Elxan SALAHOV
# 957

Oxşar yazılar