İndi də “At qripi” gəldi...
29 sentyabr 2009 17:45 (UTC +04:00)

İndi də “At qripi” gəldi...

Atları öldürən bu virus nadir hallarda insan da ölümünə səbəb olur


Kanadanın Nova Skotiya əyalətində ağcaqanadlardan virusa yoluxan bir at ölüb.

Lent.az-ın verdiyi xəbərə görə, əyalətin baytar həkimi Rob Kerr məsələ ilə bağlı açıqlama verib.

O deyib ki, həmin at “Eastern equine encephalitis” adlanan at qripindən ölüb. Bu qrip növü atlarda beyin iltihabına yol açır.

Bu virus elmə çoxdan məlumdur, Amerika Yoluxucu Xəstəliklərə Nəzarət və Mübarizə Mərkəzində qeydiyyata alınıb və öyrənilib. “Quş qripi”nə yoluxmuş toyuq və quşları sancan ağcaqanadlar əsas daşıyıcıdır. Virus atdan ata keçmir. Ancaq ağcaqanadın atı sancması, ya da həmin ağcaqanadın atın yeminə qarışması yoluxmaya səbəb olur.

Atları öldürən bu virus nadir hallarda insanın da ölümünə səbəb olur.
# 579

Oxşar yazılar