Magistraturaya ixtisas seçimi bu gün başa çatır
25 iyun 2010 12:00 (UTC +04:00)

Magistraturaya ixtisas seçimi bu gün başa çatır

“Magistraturaya ixtisas seçimi 25 iyun saat 24:00-da başa çatacaq. Bundan sonra seçim fazası başlanacaq”.


Lent.az-ın məlumatına görə, bu barədə Tələbə Qəbulu üzrə Dövlət Komissiyasının sədri Məleykə Abbaszadə keçirdiyi mətbuat konfransında açıqlama verib.


O bildirib ki, magistratura imtahanlarının nəticələri iyunun 27-də açıqlanacaq. Yerləşdirməyə isə ayın 26-da günün ikinci yarısından start veriləcək. M.Abbaszadə bakalavrlara müraciət edərək, deyib ki, onlar üzvlük sənədlərini, ixtisas seçimlərini başa çatdırmalıdırlar. Komissiya sədrinin sözlərinə görə, müsabiqədə iştirak etmək hüququ olan 5238 bakalavrdan indiyədək 4452 nəfəri ixtisas seçimini təsdiq etdirib. Bu isə o deməkdir ki, hələ ixtisas seçimini aparmamış xeyli bakalavr var.
# 347

Oxşar yazılar