Yunanıstanın baş naziri Antonis Samaras gələn həftə Transadriatik qaz kəməri (TAP - Trans Adriatic Pipeline) layihəsi üzrə sazişin imzalanma mərasimində iştirak etmək üçün Azərbaycana gələcək.
APA-nın Yunanıstan mətbuatına istinadən verdiyi məlumata görə, səfər zamanı A. Samaras Azərbaycan prezidenti ilə görüş keçirəcək. Görüşdə ikitərəfli əməkdaşlıq məsələləri, o cümlədən yunan şirkəti DESFA-nın ARDNŞ tərəfindən özəlləşdirilməsi müzakirə olunacaq.
Qeyd edək ki, Xəzərin Azərbaycan sektorundakı “Şəhdəniz” qaz yatağının istismarının ikinci mərhələsi üzrə yekun investisiya qərarının dekabrın 17-də Bakıda qəbul olunması gözlənilir. Yekun investisiya qərarı çərçivəsində 39 sənədin imzalanması gözlənilir. Mərasimə qatılmaq üçün İtaliyanın baş naziri Enriko Letta da Azərbaycana gələcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
