Bu gün xarici işlər naziri Elmar Məmmədyarov Rumıniya prezidentinin müşaviri Yulian Kifunu qəbul edib.
Xarici İşlər Nazirliyinin mətbuat xidmətindən Lent.az-a verilən məlumata görə, görüşdə ikitərəfli münasibətlərin səviyyəsindən məmnunluq bildirilib.
Beynəlxalq təşkilatlar çərçivəsində ölkələrimizin uğurla əməkdaşlıq etdiyi, bu əməkdaşlığın davam etdirilməsinin əhəmiyyətli olduğu vurğulanıb. Görüş zamanı Avropa İttifaqı-Azərbaycan münasibətlərinə dair fikir mübadiləsi aparılıb. Elmar Məmmədyarov Azərbaycan iqtisadiyyatının sürətli inkişafı nəticəsində ölkə vətəndaşlarının sosial rifahının yüksəldiyini söyləyib. Rumıniya prezidentinin müşaviri Yulian Kifu ölkəmizdə gedən inkişafın tempindən təsirləndiyini dilə gətirib.
Görüşdə regionda gedən proseslər və qarşılıqlı maraq doğuran məsələlər ətrafında da fikir mübadiləsi aparılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
