“Fransa prezidentinin səfəri ilə bağlı iş aparırıq. Səfər regiona - Azərbaycan, Ermənistan və Gürcüstana reallaşacaq”.
APA-nın məlumatına görə, bunu Fransanın Azərbaycandakı səfiri Paskal Mönye deyib.
Səfirin sözlərinə görə, səfərin əsas məqsədi ikitərəfli münasibətləri gücləndirməkdir: “Çünki biz Azərbaycanı regiondakı stabilliyin elementi kimi qiymətləndiririk”.
Diplomat bildirib ki, səfər zamanı Dağlıq Qarabağ münaqişəsi də müzakirə ediləcək: “Biz bilirik ki, bu məsələ həm Azərbaycan, həm də Ermənistan üçün çox vacibdir. Çünki həlli uzanan bu məsələnin çox böyük mənfi təsirləri var. Biz ATƏT-in Minsk Qrupu çərçivəsində iki ölkə arasında qarşılıqlı etimadı artırmağa çalışırıq”.
Qeyd edək ki, Fransa prezidenti Fransua Olland regiona səfəri çərçivəsində mayın 11-12-də Azərbaycanda səfərdə olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
