Müsavat Divanı qalmaqallı sədr seçkisini tanıdı
Bu gün Müsavat Partiyası Divanının növbəti toplantısı keçirilib.
Partiyadan Lent.az-a daxil olan məlumata görə, iclasda görülən işlər müzakirə olunub. Bu zaman 17 noyabr Dirçəliş günü ilə əlaqədar Müsavat Partiyasının Əbülfəz Elçibəyin məzarının ziyarəti və ziyarətdən sonra partiya qərargahında keçirilən tədbir barədə məlumat verilib.
İclasda, həmçinin, son zamanlar “Yeni Müsavat” və “Azadlıq” qəzetləri ilə bağlı yaranan məsələ də müzakirə olunub. Eyni zamanda, adıçəkilən mətbu orqanlara dəstək xarakterli marafonlarda partiya rəhbərliyinin və üzvlərinin aktiv iştirakı müsbət qiymətləndirilib.
Divanda partiyadaxili məsələlərin müzakirəsi zamanı noyabrın 17-də Müsavat Gənclər Təşkilatında keçirilən ümumi yığıncaq barədə ətraflı məlumat verilib. MGT-na seçkilərin Nizamnamənin tələblərinə cavab verdiyi, azad, ədalətli və şəffaf şəkildə keçirildiyi vurğulanıb və Divan tərəfindən yüksək qiymətləndirilib.
Sonda cari məsələlərə baxılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
