Millət vəkilləri Özbəkistana gedib

Azərbaycanın Özbəkistandakı səfirliyi və "Özbəkistan-Azərbaycan" dostluq cəmiyyəti Heydər Əliyevin 90 illiyi ilə bağlı tədbir keçirəcək. Lent.az-ın məlumatına görə, tədbirdə çıxış etmək üçün millət vəkilləri Rəbiyyət Aslanova, Qənirə Paşayeva Özbəkistana səfərə gediblər. Heydər Əliyev adına Azərbaycan Mədəniyyət Mərkəzində keçiriləcək tədbirdə Azərbaycanın Özbəkistandakı səfiri Hüseyn Quliyev, millət vəkilləri Rəbiyyət Aslanova, Qənirə Paşayeva, Milli Elmlər Akademiyasının Fəlsəfə İnstitutunun direktoru İlham Məmmədzadə, Fəlsəfə İnstitutunun şöbə müdiri Rəna Mirzəzadə, "Özbəkistan -Azərbaycan" cəmiyyətinin sədri Erkin Nuriddinov və digərləri məruzə ilə çıxış edəcəklər.