İbrahim İbrahimli Naxçıvanda döyüldüyünü deyir

İctimai Palatanın (İP) Koordinasiya Şurasının üzvü İbrahim İbrahimli Naxçıvanda döyülüb.

Musavat.com-un məlumatına görə, İ. İbrahimli dünyasını dəyişmiş bacısı oğlunun yas mərasimində iştirak etmək üçün Naxçıvana gedib.

Məlumata görə, yas çadırında İ. İbrahimli ilə bir neçə nəfər arasında mübahisə olub, bundan sonra o, yas yerini tərk edib: “Yolda qabağımı kəsdilər, öz maşınlarına otuzdurdular, Duzdağ deyilən əraziyə gətirdilər. Həmin şəxslər mənim başıma torba keçirdilər, söyməyə, hədə-qorxu gəlməyə başladılar. Onlar mənə fiziki xəsarət yetirdilər, geyimlərimi cırdılar. Sonra da məni orada qoyub çıxıb getdilər”.

İ. İbrahimli faktla bağlı hüquq-mühafizə orqanlarına müraciət etmədiyini də vurğulayıb.