Xocalı Soyqırımının 21-ci ildönümü ilə əlaqədar Niderland Krallığında anım mərasimi keçiriləcək.
Tədbirlər Hollandiyada fəaliyyət göstərən Azərbaycanın Hollandiyalı Dostları, “Ana Vətən” Niderland Azərbaycanlı Qadınlar Birliyi, Hollandiya Azərbaycan Türk Kültür Dərnəyi, Güney Azərbaycanlılar İstiqlal Partiyası və Niderland Azərbaycanlı Gənclər Cəmiyyəti tərəfindən təşkil olunacaq.
Hollandiya Azərbaycan Türk Kültür Dərnəyindən APA-ya verilən məlumata görə, anım mərasiminin fevral ayının 24-ü Haaqa şəhərində ucaldılmış Xocalı abidəsinin önündə Hollandiya və türk mətbuatının, həmçinin dövlət və hökumət nümayəndələrinin iştirakı ilə keçirilməsi gözlənilir.
Bundan əlavə, fevralın 26-da saat 13:00-da Haaqada yerləşən Ədalət Məhkəməsinin -Sülh Sarayının önündən Ermənistan səfirliyinin önünə yürüş təşkil ediləcək.
Tədbirdən öncə yerli əhaliyə Xocalı Faciəsi haqqında kitabçalar paylanacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
