Dünya liderlərindən Azərbaycan prezidentinə təbriklər gəlir

Respublika Günü münasibətilə Azərbaycan prezidenti İlham Əliyevin ünvanına təbrik məktubları gəlməkdə davam edir. Lent.az-ın məlumatına görə, Qırğız prezidenti Almazbek Atambayev, Çin Xalq Respublikasının Sədri Si Cinpi, Qırğız Respublikasının prezidenti Almazbek Atambayev, Ukrayna Prezidenti vəzifəsini icra edən, Ukrayna Ali Radasının sədri Aleksandr Turçinov, Latviyanın sabiq prezidenti (1999-2007), Nizami Gəncəvi Beynəlxalq Mərkəzinin həmsədri, Madrid Klubunun prezidenti Vayra Vike-Freyberqa ünvanladıqları təbrik məktublarında xalqımıza və dövlətimizə firavanlıq arzu ediblər.

Rumıniya prezidenti Trayan Besesku Azərbaycanın milli bayramı - Respublika Günü münasibətilə prezident İlham Əliyevə təbrik məktubu göndərib. Rumıniya xalqı adından və öz adından təbriklərini və tərəqqi arzularını ifadə etməkdən böyük şərəf hissi duyduğunu qeyd edən T. Besesku Rumıniyanın Azərbaycanın Avropa İttifaqı və NATO ilə əməkdaşlığının güclənməsini fəal şəkildə dəstəklədiyini qeyd edib.

“Eyni zamanda, Rumıniya ilə Azərbaycan arasında strateji tərəfdaşlıq səviyyəsinə yüksəlmiş və bu tərəfdaşlığın həyata keçirilməsi üzrə Birgə Fəaliyyət Planı vasitəsilə davamlı olaraq inkişaf etmiş dostluq əlaqələri ölkələrimizin iqtisadi əməkdaşlığının inkişafı üçün mövcud potensialdan tam istifadəyə əsas yaradır.

Əminəm ki, biz Rumıniya-Azərbaycan iqtisadi əlaqələrinin dərinləşdirilməsinə birlikdə nail olacağıq. Mən böyük məmnuniyyətlə Sizi bu il Rumıniyaya səfərə dəvət etdiyimi bir daha diqqətinizə çatdırıram”.