Dövlət Dumasının komitə sədri: “Azərbaycan müharibəyə hazırlaşır”

Azərbaycan Dağlıq Qarabağ probleminin müharibə yolu ilə həllinə hazırlıq aparır.

Lent.az-ın “Rosbalt” agentliyinə istinadən verdiyi məlumata görə, bunu Rusiya Dövlət Dumasının İnformasiya siyasəti üzrə komitəsinin sədri Aleksey Mitrofanov söyləyib.

Aleksey Mitrofanov deyib ki, Azərbaycanın hərbi büdcəsi 3 milyard dollara çatır və Ermənistanın dövlət büdcəsini keçir. Onun sözlərinə görə, Azərbaycan Dağlıq Qarabağda mümkün müharibə ilə bağlı əla hərbi bazalar tikib, müxtəlif ölkələrdən yeni model silahlar, o cümlədən İsraildən pilotsuz təyyarələr alıb: “Azərbaycan müharibəyə ciddi hazırlaşır”.