Konstitusiyanın qəbulundan 14 il ötür

Bu gün Azərbaycan Respublikası (AR) Konstitusiyasının qəbulu günüdür.

Lent.az-ın məlumatına görə, 14 il əvvəl - 1995-ci ildə Azərbaycan parlamentinə seçkilər keçirilib və yeni Konstitusiya qəbul olunub. Bu, müstəqil Azərbaycan Respublikasının birinci Konstitusiyası sayılır. Bu Konstitusiyanın qüvvəyə mindiyi gündən 1978-ci il aprelin 21-də qəbul edilmiş Azərbaycan Respublikasının Konstitusiyası (Əsas Qanunu) qüvvədən düşüb. Həmin gündən 12 noyabr AR Konstitusiya Günü sayılır.

Konstitusiya – hökumət qanunlarının külliyyatı deməkdir, hansı ki, hökumətin fəaliyyətini nizama salır, insanların cəmiyyətdə və biri-birinə əxlaqi davranışlarını qaydaya salır.
Konstitusiya – cəmiyyətin demokratik institutlarını qoruyan çox ciddi və tələbkar sənəddir. Bu – Respublikanın ərazi bütövlüyünü, müstəqilliyini, xarici və daxili siyasətin özünün qurmasını elan edən bir sənəddir.

AR Konstitusiyası 5 bölmədən 12 fəsil və 158 maddədən ibarətdir. 1995-ci il noyabrın 27-dən qüvvəyə minib.

Pərvin ABBASOV