Ermənilər təmas xəttində neytral əraziləri minalayır

Düşmən ordusu Azərbaycanın işğal olunmuş ərazilərində mövqelərini möhkəmləndirməklə məşğuldur

Ermənistan Silahlı Qüvvələri Azərbaycanın işğal olunmuş Füzuli və Xocavənd rayonları ərazisində, cəbhə xəttindəki mövqelərini möhkəmləndirməklə məşğuldur.

Etibarlı mənbələrdən APA-ya verilən məlumata görə, oktyabrın 20-dən ermənilərin cəbhə xəttindəki istehkamlarının möhkəmləndirmələri müşahidə olunur. Cəbhə xəttinin müxtəlif istiqamətlərində səngərlər yenidən qazılır, örtülü mövqelər möhkəmləndirilir.

Bəzi ərazilərdə isə qoşunların təmas xəttindəki neytral ərazilərdə minalama işləri aparılır. Cəbhənin Füzuli rayonu istiqamətində isə erməni mövqelərində yerdəyişmələr qeydə alınıb.

Xatırladaq ki, Ermənistan prezidenti Serj Sərkisyan və müdafiə naziri Seyran Ohanyan qoşunların təmas xəttində mövqeləri gözdən keçirmək üçün Azərbaycanın işğal altında olan ərazilərinə gəliblər.