Naxçıvan Türkiyə ərazisi kimi göstərilib
30 sentyabr 2009 19:36 (UTC +04:00)

Naxçıvan Türkiyə ərazisi kimi göstərilib

Qalmaqallı xəritəni İstanbul təhsil şöbəsi hazırlayıb və orta məktəblərə paylanıb


İstanbul təhsil şöbəsinin sabiq müdiri Ata Özər tərəfindən hazırlanan, sentyabrın 10-da təhsil proqramı çərçivəsində keçirilən təntənəli mərasimdə CD-lərdə və broşuralarda orta məktəblərə paylanan xəritə qalmaqal yaradıb.

Lent.az-ın “Milliyet” qəzetinə istinadən verdiyi xəbərə görə, Türkiyənin təhrif olunmuş xəritəsi İstanbul təhsil şöbəsinin yeni müdiri Muammer Yıldızı şoka salıb.

Təhsil Nazirliyinin adından orta məktəblərə paylanan bu xəritədə Kərkük, Ərbil, Batumi, Naxçıvan və Kipr adası Türkiyənin torpaqları kimi göstərilib. Məsələ ilə bağlı araşdırma aparılmasına göstəriş verən Muammer Yıldız deyib ki, bu, ziddiyyətlərə səbəb olacaq böyük bir yanlışlıqdır.

Məlum olub ki, bu xəritəni İstanbul təhsil şöbəsi internetdən götürüb. Amma təəccüblü olan odur ki, Ata Özərin orta məktəblərə paylatdırdığı bu CD və broşuralardakı xəritə bu vaxta qədər heç kimin diqqətini çəkməyib. Muammer Yıldız qeyd edib ki, xəritə gözdən qaçmış olsa da, bu, böyük bir səhvdir.
# 347

Oxşar yazılar