Əli Həsənov: “Azərbaycanda heç bir məscid bağlanmayıb”
17 sentyabr 2009 11:33 (UTC +04:00)

Əli Həsənov: “Azərbaycanda heç bir məscid bağlanmayıb”

“Azərbaycanda heç bir məscid bağlanmayıb. Bunu kim deyirsə, yalan deyir”.

Bunu APA-ya açıqlamasında Prezident Administrasiyası ictimai-siyasi şöbəsinin müdiri Əli Həsənov deyib. Onun sözlərinə görə, qanunsuz tikilinin inşasının dayandırılması, yaxud yarımçıq tikilinin sökülməsi məscidin bağlanması, sökülməsi demək deyil:

“Ona görə də insanlar mətbuatda buna münasibət bildirərkən, eyni zamanda jurnalistlər bu məsələyə yanaşarkən yarımçıq tikili ilə fəaliyyətdə olan məscidi qarışdırmasınlar. Azərbaycanda son vaxtlar iki yarımçıq qanunsuz tikili sökülüb ki, bu da doğru addımdır. Tikintinin aparılmasına icazə verən dövlət qurumları, qayda-qanunlar var. Həmin qurumlardan icazə alınmalı, proyekt razılaşdırılmalı, eləcə də digər işlər görülməlidir. Azərbaycanda heç vaxt məscid bağlanmayıb, bundan sonra da bağlanmayacaq. Baş verən hadisələr yarımçıq qanunsuz tikililərlə bağlıdır, onlar da sökülür. O ki qaldı bu və ya digər fəaliyyətdə olan məscidlərlə bağlı müşahidə olunan müvəqqəti hallara, ona da münasibət bildirilib, izahat verilib”.
# 406

Oxşar yazılar