Təhsil Nazirliyinə 4 milyon manat ayrıldı
10 sentyabr 2009 18:45 (UTC +04:00)

Təhsil Nazirliyinə 4 milyon manat ayrıldı

Azərbaycan Prezidenti İlham Əliyev “Texniki peşə məktəblərinin maddi-texniki bazasının gücləndirilməsilə əlaqədar tədbirlər barədə” sərəncam imzalayıb.

Lent.az-ın Prezidentin mətbuat xidmətinə istinadən verdiyi məlumata görə, sərəncama əsasən, 2009-cu ilin dövlət büdcəsində nəzərdə tutulmuş Azərbaycan Prezidentinin Ehtiyat Fondundan Təhsil Nazirliyinə 2 milyon manat məbləğində vəsait ayrılıb.

Azərbaycan Prezidentinin “Məktəbəqədər təhsil müəssisələrinin maddi-texniki bazasının gücləndirilməsi ilə əlaqədar əlavə tədbirlər barədə” də sərəncam imzalayıb. Sərəncamla Azərbaycandakı məktəbəqədər təhsil müəssisələrinin yenidən qurulması işlərinin davam etdirilməsi 2009-cu ilin dövlət büdcəsində nəzərdə tutulmuş Azərbaycan Prezidentinin Ehtiyat Fondundan Təhsil Nazirliyinə 2 milyon manat məbləğində vəsait ayrılıb.
# 811

Oxşar yazılar