Azərbaycan tərəfə keçən əsgər Ermənistan vətəndaşlığından imtina edir

Karen Harutunyan: “Məni üçüncü ölkəyə göndərin”

Azərbaycana keçən erməni əsgəri: "Ermənistandan, oranın vətəndaşlığından imtina edirəm
Ermənistan ordusundakı dözülməz vəziyyətə tab gətirməyərək Azərbaycan tərəfinə keçən erməni əsgər Karen Harutunyan artıq Bakıya gətirilib. Karen Harutunyan iyulun 15-i axşam saatlarında Gədəbəy rayonu ərazisində Azərbaycan tərəfinə keçib.

Ermənistanın Müdafiə Nazirliyinin 549 saylı əlahiddə motoatıcı alayının əsgəri, 19 yaşlı İrəvan sakini Karen Harutyunyan bu gün ANS-ə müsahibəsində bildirib ki, o, orduda ondan tələb edilən rüşvəti vermədiyi üçün edilən işgəncələrə dözməyib, xidməti yerini tərk etmək qərarına gəlib və beləliklə, sərhədi keçərək Azərbaycan əsgərlərinə təslim olub:

“ndi Ermənistanda vəziyyət olduqca pisdir. Ölkə əhalisi çox acınacaqlı yaşayır. Maddi vəziyyət çox pisdir. İş yerləri demək olar ki, yoxdur. Bu da vəziyyətin pis olmasına daha da şərait yaradır. Xalq indiki rəhbərlik - Serj Sarkisyan və Seyran Ohanyanın rəhbərliyi altında yaşamaq istəmir. Orada, yəni İrəvanda hər gün rəhbərlik əleyhinə mitinqlər keçirilir. Mən nə o xalqın nümayəndəsi, nə də o dövlətin əsgəri olmaq istəyirəm. Ermənistandan, oranın vətəndaşlığından imtina edirəm. Mən Azərbaycan rəsmilərindən xahiş edirəm ki, məni 3-cü ölkəyə göndərsinlər”.