ABŞ senatoru: “Azərbaycanı incidəcək addımlar atmamalıyıq”

Qısa arayış. Kanzas ştatından senator olan Sem Baunbek 1999-cu ildə Konqresin Yuxarı Palatasının Xarici Əlaqələr Komitəsinin Yaxın Şərq və Cənub Asiya üzrə Alt Komitəsinin sədri olaraq “İpək Yolu Strategiyası” adlı qanunun müəllifi olub və onun qəbul olunmasında mühüm rol oynayıb. Həmin qanundan sonra ABŞ-la Azərbaycan və digər Orta Asiya ölkələrinin əlaqələri daha da dərinləşib.

- Nümayəndələr Palatasının Dövlət, Xarici Əməliyyatlar üzrə Alt Komitəsi 2010-cu ildə Dağlıq Qarabağa 10 milyon dollar yardım ayrılması barədə qərar qəbul edib. İndi həmin qanun layihəsi sizin üzv olduğunuz Senatın Təxsisatlar Komitəsində müzakirə olunur. Həmkarlarınıza bu qərarın nə qədər zərərli olması barədə məlumat verəcəksinizmi?

- Ümid edirəm ki, həmkarlarım Azərbaycanın ABŞ-ın strateji, mühüm müttəfiqi, əsas neft istehsal edən ölkə olmasını və buna görə də Azərbaycanı incidəcək addımın atılmasının düz olmadığını başa düşəcəklər. Biz gərək, Azərbaycanı incidəcək addımlar atmayaq. Ümidvaram ki, qeyd etdiyim məsələlər qanun layihəsi müzakirə olunarkən diqqət mərkəzinə gələcək.

- Azərbaycan neftlə yanaşı, ABŞ hərbiçilərinə Əfqanıstanda göstərdiyi dəstəyə görə də mühüm rol oynayır...

- Azərbaycan İrana görə də bizim üçün çox vacibdir. İran əhalisinin 3-də biri azərilərdir. Əsas müxalifət siması olan cənab Müsəvi də azərbaycanlıdır. Ümid edirəm ki, bu məqamlar ortaya çıxacaq. Biz çalışacağıq ki, Azərbaycanla bağlı daha aydın mənzərəni həmkarlarımıza çatdıraq, onlara müttəfiqimizə yaraşan addımlar atmalı olduğumuzu anladaq.

- Azərbaycan parlamentinin Nümayəndələr Palatasının qərarını pisləyən xüsusi bəyanat qəbul etdiyindən xəbəriniz varmı?

- Yox, bu barədə məlumatın toxdur.