Diasporla İş üzrə Dövlət Komitəsi Moskvadakı olayları diqqət mərkəzində saxlayır

Diasporla İş üzrə Dövlət Komitəsinin sədri Nazim İbrahimov son günlər Rusiya paytaxtında baş verən iğtişaşlara münasibət bildirib.
Lent.az-ın verdiyi məlumata görə, Nazim İbrahimov bu gün keçirdiyi mətbuat konfransında deyib ki, Dövlət Komitəsi bununla bağlı ciddi işlər görür və artıq qurumun 2 əməkdaşı Moskvaya ezam olunub.
Onun sözlərinə görə, yerli diaspor təşkilatları da bu məsələdə kifayət qədər fəallıq göstərirlər: “Hazırda Moskvadakı qarşıdurmalarla bağlı təhqiqat aparılır və mən inanmıram ki, bu hadisələr böyük fəlakətə gətirib çıxarsın. Güman edir ki, Moskavadakı bu durum qısa müddətdə öz həllini tapacaq”.