İFESCCO-nun ekspertləri görüşdü

İclasda Azərbaycan, Belarus, Qazaxıstan, Qırğızıstan, Ermənistan, Özbəkistan, Rusiya, Tacikistan və Ukrayna nümayəndə heyətləri, həmçinin MDB və İFESCCO təmsil olunub. Azərbaycan tərəfdən isə Mədəniyyət və Turizm Nazirliyinin Mədəniyyət siyasəti şöbəsinin Qeyri-maddi mədəni irs sektorunun müdiri Yaşar Hüseynli və Turizm şöbəsinin Daxili turizm sektorunun baş məsləhətçisi Vüqar Şıxəmmədov iştirak edib.

Nazirlikdən Lent.az-a verilən məlumata görə, iclas zamanı növbəti ilin MDB-də Tarixi-Mədəni İrs İli elan olunmasının nəzərə alınması şərti ilə İFESCCO-nun 2011-ci il üçün tədbirlər planı müzakirə olunub. Eyni zamanda, gələn ilin ikinci yarısında həyata keçirilməsi planlaşdırılan maddi və qeyri-maddi mədəni irsə dair layihələr üçün müsabiqənin açıq qalmasına dair razılıq əldə olunub.
Xəyalə